Wakati mmoja, Abu Hurairah (Radhiya Allaahu ‘anhu) alihutubia watu akisema:
Nyinyi watu mnasema, “Inakuwaje Abu Hurairah anasimulia hadithi nyingi kutoka kwa Mtume (Sallallahu alaihi wasallam), ambapo Maswahaabah wengine wa Muhaajirin na Answaar hawasimulii hadithi kwa idadi hizi kutoka kwa Mtume (Sallallahu alaihi wasallam).
Sababu ni kwamba katika zama za Mtume (Sallallahu alaihi wasallam), ndugu zangu Muhajirina walikuwa wakijishughulisha na kufanya biashara sokoni, wakati mimi nilikuwa nikibaki pamoja na Rasulullah (Sallallahu alaihi wasallam), nikiridhika na chochote kitakachotosheleza tumbo langu. Nikiwepo wakati wao hawapo, na sasa nakumbuka hadithi za Mtume (Sallallahu alaihi wasallam) wakati wao wamesahau.
Vile vile ndugu zangu wa Answaari walikuwa wakijishughulisha na kuchunguza bustani zao, hali mimi nilikuwa mtu masikini miongoni mwa Maswahaba wa Suffah (yaani nikiishi msikitini kwa Mtume [Sallallahu alaihi wasallam]). Sasa nakumbuka hadithi za Rasullaullah (Sallallahu alaihi wasallam) wakati wao wamesahau.
Abu Hurairah (Radhiya Allaahu ‘anhu) baada ya hapo alitaja sababu ya Allah Ta’ala kumbariki na kumbukumbu ya ajabu ambayo Maswahaba wengine hawakupewa. Anataja:
Wakati mmoja, Mtume (Sallallahu alaihi wasallam) alipokuwa akitaja Hadith, aliwaambia waliokuwepo kwenye mkusanyiko: “Mwenye kutandaza kitamba chake chini kabla yangu, hadi nikatimiza ninayoyataja sasa, kisha achukue kitamba chake na kujifunga nacho mwilini, basi atakumbuka kila ninachokitaja (yaani atakumbuka Hadith zote atakazozisikia kutoka kwangu na hatazisahau).
Abu Hurairah (Radhiya Allaahu ‘anhu) ametaja: “Baada ya kusikia haya kutoka kwa Mtume (Sallallahu alaihi wasallam), mara moja nilitandaza kitamba changu chini kabla ya Mtume (Sallallahu alaihi wasallam), na Mtume (Sallallahu alaihi wasallam) alipomaliza kutaja Hadith, mara moja nilichukua kitamba changu na kuifunika mwilini mwangu na kifuani.” .
Kisha akasema, “Kuanzia wakati huo na kuendelea, sikusahau chochote nilichosikia kutoka kwa Mtume (Sallallahu alaihi wasallam).” (Sahih Bukhari #2047, Sahih Muslim #2493)
Alislaam Juhudi za Kuleta uislam ndani ya maisha yetu