Alislaam Juhudi za Kuleta uislam ndani ya maisha yetu
Wakati wa Vita vya Uhud, Ali (radhiyallahu ‘anhu) alionyesha ujasiri na ushujaa wa hali ya juu katika kupigana na maadui. Hivyo, yeye binafsi alihusika kuwaua viongozi wanne wa Maquraishi, miongoni mwao akiwa ni Talhah bin Abi Talhah.
Baada ya vita, alimkabidhi upanga wake kwa mke wake mheshimiwa, Faatimah (radhiya allaahu ‘anha) kuosha damu, na akasoma mashairi yafuatayo:
أفاطم هاك السيف غير ذميم فلست برعديد ولا بلئيم
لعمري لقد أبليت في نصر أحمد ومرضاة رب بالعباد عليم
Ewe Faatimah! Uchukue upanga huu, na mwenye kuuteka hana lawama yoyote, kwani sikuwa mwoga (vitani), wala sikuwa mtu mbaya na mnyonge (yaani nilipigana kwa njia sahihi na nilionyesha ushujaa kamili).
Kwa maisha yangu, nilitumia nguvu zangu zote katika kumsaidia Ahmad (sallallahu ‘alaihi wasallam), na kupata radhi za Mola wangu ambaye ana elimu kamili kuhusu waja Wake.
Kusikia hivyo, Rasulullah (sallallahu ‘alaihi wasallam) hapo hapo alishuhudia yale aliyoyasema. Rasulullah (sallallahu ‘alaihi wasallam) akamwambia, “Ewe Ali! Hakika umepigana kwa wema, na Aasim bin Thaabit, Sahl bin Hunaif, Haarith bin Simmah na Abu Dujaanah pia wamepigana kwa wema.” (Majma’uz Zawaa’id #10116-10118, Mustadrak Haakim #4310 na Makaarim-ul-Akhlaaq #195)
