Alislaam Juhudi za Kuleta uislam ndani ya maisha yetu
Abu Thowr (rahimahullah) anasimulia kwamba siku moja alikuja kwa ‘Uthmaan (radhiya allahu ‘anhu) na kumsikia akitaja yafuatayo wakati ukosoaji usio sahihi ulipokuwa ukitolewa dhidi yake. Alisema:
Kuna mema kumi ambayo nimeyalinda kwa Allah Taala na kwa kila amali natarajia kupata malipo ya Akhera;
1) Nilikuwa mtu wa nne kusilimu.
2) Sikuwahi kusema uwongo katika maisha yangu yote.
3) Sikuwahi kuweka mkono wangu wa kulia kwenye sehemu yangu ya siri tangu wakati nilipoweka kiapo cha utii kwa kutumia mkono wangu wa kulia kwa Mtume (sallallahu ‘alaihi wasallam).
4) Tangu niliposilimu, hakuna jumu’ah moja iliyopita bila ya mimi kumwacha mtumwa huru, na ikiwa sikumwacha mtumwa huru katika jumu’ah yoyote, basi nilihakikisha kwamba nilimwacha huru mtumwa huyo baadaye.
5) Sikuwahi kufanya zinaa katika maisha yangu yote, kabla ya kusilimu wala baada ya kusilimu.
6) Niliwanunulia vifaa na Silaha Jeshi la Tabook kwa kutumia mali yangu mwenyewe.
7) Nilibarikiwa na heshima ya kukusanya na kupanga Quran Takatifu katika zama ya Rasulullah (sallallahu ‘alaihi wasallam).
8) Rasulullah (sallallahu ‘alaihi wasallam) aliniozesha binti yake, na alipofariki, akaniozesha binti yake mwingine.
9) Sikuwahi kunywa pombe katika maisha yangu yote, si katika kipindi cha kabla ya Uislamu wala baada ya Uislamu.
10) Nilikuwa na jukumu la kununua kipande cha ardhi (katika Madinah Munawwarah) ili kupanua msikiti, ambayo Rasulullah (sallallahu ‘alaihi wasallam) aliahidi kwamba mwenye kuinunua atabarikiwa na Jannah. (Siyar A’laamin Nubalaa 2/151, Taarekhul Madinah 4/1156, Al-Ibaanah 1/143, Ibnu Asaakir 39/424)
