Alislaam Juhudi za Kuleta uislam ndani ya maisha yetu
22. Baada ya kumaliza kusoma Quraan Majeed yote basi soma dua ifuatayo:
اَللّٰهُمَّ ارْحَمْنِيْ بِالْقُرْآنْ وَاجْعَلْهُ لِيْ إِمَاماً وَّهُدًى وَّرَحْمَةً اَللّٰهُمَّ ذَكِّرْنِيْ مِنْهُ مَا نَسِيْتُ وَعَلِّمْنِيْ مِنْهُ مَا جَهِلْتُ وَارْزُقْنِيْ تِلَاوَتَهُ آنَاءَ اللَّيْلِ وَأَطْرَافَ النَّهَارِ وَاجْعَلْهُ لِيْ حُجَّةً يَا رَبَّ الْعَالَمِيْنَ
Ewe Mwenyezi Mungu (subhaanahu wata’aala)! Nimiminie rehema Yako makhsusi kupitia Quran Takatifu, na unijaalie iwe imamu kwangu (njia ya kuniongoa katika maisha yangu), njia ya mwongozo na njia ya rehema. Ewe Mwenyezi Mungu (subhaanahu wata’aala)! Nisaidie kukumbuka sehemu hiyo ya Quraan Majeed nisiusahahu, na nifundishe sehemu hiyo ya Quraan Majeed nisiyoijua, na nibariki niisome Quraan Majeed usiku na mchana, na uijaalie kuwa ni dalili na hoja kwangu (Siku ya Qiyaamah), Ewe Mola wa ulimwengu!
23. Ikiwa umehifadhi sehemu yoyote ya Qur’an Majeed basi hakikisha kwamba unapitia na kufanya muraaja’a mara kwa mara ili usiisahau. Hadith imetahadharisha juu ya kupuzia kisomo cha Quraan Majeed na kusahau ulichohifadhi.
Abu Muusa Ash’ari (radhiyallahu ‘anhu) anaripoti kwamba Mtume (sallallahu ‘alaihi wasallam ) alisema, “Ichunge (na ilinde) Quraan Takatifu. Naapa kwa Ambaye uhai wangu umo mikononi Mwake, inaweza (Qur’an Majeed) kutoroka haraka kutoka moyoni kuliko ngamia anavyoweza kutoroka kutoka kwenye kamba yake (ambayo amefungwa).”
