Alislaam Juhudi za Kuleta uislam ndani ya maisha yetu
Ali (radhiyallahu ‘anhu) Anatamani Kukutana na Allah Ta’ala akiwa na Vitendo vya UmarAbdullah bin Abbaas (radhiya allaahu ‘anhuma) anataja:
Nilikuwepo wakati mwili wa Umar (radhiya allaahu ‘anhu) ulipowekwa kwenye jeneza baada ya kifo chake cha kishahidi. Watu walianza kuuzunguka mwili wake. Wakati wakisubiri mwili wake unyanyuliwe na kuzikwa, walikuwa wakimswalia Rasulullah (sallallahu ‘alaihi wasallam) na kumuombea dua Umar (radhiya allaahu ‘anhu).
Ghafla, nilimkuta mtu nyuma yangu akinishika begani. Nilipogeuka kuangalia ni nani, nilimwona kuwa hakuwa mwingine bali ni Ali (Radhiya Allaahu ‘anhu).
Huku akiutazama mwili wa Umar (radhiya allaahu ‘anhu), alisema, “Ewe Umar! Allah Ta’ala akumiminie rehma zake maalum!” Kisha akasema, “Wakati huu, hakuna mtu ambaye matendo yake yanapendwa zaidi na mimi, na ambao natamani kukutana na Allah Ta‘ala, zaidi ya matendo yako! Ninaapa kwa jina la Allah Ta’ala! Nina yakini kwamba Mwenyezi Mungu (subhaanahu wata’aala) atakuunganisha na maswahaba wako wawili, Mtume (sallallahu ‘alaihi wasallam) na Abu Bakr (radhiya allaahu ‘anhu).
“Katika maisha yako yote, daima ulikuwa ukiwa na Mtume (sallallahu ‘alaihi wasallam) na Abu Bakr (radhiya allaahu ‘anhu). Kwa hiyo, mara nyingi nilikuwa nikimsikia Nabii (sallallahu ‘alaihi wasallam) akisema, ‘Nilikwenda mahali fulani pamoja na Abu Bakr na Umar. Niliingia mahali fulani pamoja na Abu Bakr na Umar. Niliondoka mahali fulani pamoja na Abu Bakr na Umar.’”
(Sahih Bukhari #3685)
