Alislaam Juhudi za Kuleta uislam ndani ya maisha yetu
1. Baada ya swalaah ya isha, usipotezi muda wako na mazungumzo na watu. Badala yake, jaribu kulala mapema iwezekanavyo ili uweze kuamka kuswali Tahajjud na uswali alfajiri kwa wakati. Lakini, ikiwa kuna haja ya kubaki macho, mfano Kushiriki katika kazi za Dini, kujadili Masla za dini, Mashwarah muhimu, nk basi itaruhusiwa kwako kushiriki katika majadiliano kama haya baada ya isha.
Abu Barza (Radhiyallahu anhu) anaripoti kwamba Rasulullah (Sallallahu alaihi wasallam) hakupenda kuwa mtu analala kabla ya Isha, na anahusika katika mazungumzo baada ya Isha (katika kesi ambayo hakuna haja yoyote).
Umar (radhiyallahu anhu) anaripoti kwamba, “Rasulullah (Sallallahu alaihi wasallam) alikuwa akijadili mambo kuhusu waislamu na Abu Bakr (Radhiyallahu anhu) baada ya isha na mimi pia nikiwepo. “
Aaishah (Radhiyallahu anha) anaripoti kwamba alikuwa hajawahi kumuona Rasulullah (Sallallahu alaihi wasallam) akilala kabla ya isha, wala kumuona akiwa na mazungumzo yasio na muhimu baada ya isha. Alikuwa akijishughulisha na dhikr baada ya isha, na hivyo kuvuna thawabu za baadaye na kufanikiwa, au angeenda kulala, na hivyo kujiokoa ( na kujihusisha na vitu visivyo na faida). Aaishah (radhiyallahu anha) anaendelea kusema, “Kujihusisha na mazungumzo baada ya isha inaruhusiwa kwa vikundi vitatu vya watu; kwa wanandoa, Msafiri (kumsaidia kukaa macho na kumaliza safari) na mtu anayekusudia kuswali usiku.”
2. Ni Sunnah kulala na udhu.
Mu’aaz bin Jabal (radhiyallahu anhu) anaripoti kwamba Rasulullah alisema, “Yule anayelala na udhu, na baadaye anaamka wakati usiku (au anageuka kutoka upande mmoja kwenda mwingine), kisha anamuomba Mwenyezi Mungu (subhaanahu wata’ala) chochote iwe vya duniani au aakhera, Allah Ta’ala kwa hakika atamtimizia.
