Fikra ya Sa’eed bin Zaid (Radhiyallahu ‘Anhu) kumchagua Khalifah

Umar (Radhiyallahu ‘Anhu) aliwahi kukaa na mtoto wake, Abdullah bin Umar, binamu yake, Saeed bin Zaid na Abbaas (Radhiyallahu’ Anhum). Umar (Radhiyallahu ‘Anhu) aliwaambia, “Nimeamua kwamba sitamchaguwa mtu yoyote maalum kama Khalifah baada yangu.”

Sa’eed bin Zaid (Radhiyallahu ‘Anhu), akiwa na wasiwasi juu ya ustawi wa Waislamu na jambo la Khilaafah, alijibu akisema, “Labda, ikiwa ukitoa ishaarah kwa mtu fulani miongoni mwa Waislamu ambaye anastahili nafasi hii ya Khilaafah, kisha watu wanaweza kutegemea maoni yako ( kwa hivyo mchaguwe mtu huyo kama Khalifah baada yako). ” Akamwambia pia Umar (Radhiyallahu ‘Anhu) kuwa Abu Bakr (Radhiyallahu ‘Anhu) alimchagua Khalifah kabla ya kufariki kwake na watu walitegemea uamuzi wake.

Kujibu hili, Umar (Radhiyallahu ‘Anhu) akamwambia, “Nimegundua kuwa watu wengine wanatarajia vibaya na wanataka wachaguliwe kama Khalifah. Kwa hivyo, nimeamua kuacha jambo hili kwa watu sita na kuwaruhusu kumchagua mtu mmoja kati yao kama Khalifah. Sababu ya mimi kukabidhi jambo hili kwa watu hawa sita ni kwamba walikuwa watu ambao Rasulullah (Sallallahu Alaihi Wasallam) alifurahishwa nao wakati wa kufariki kwake (wakati aliondoka ulimwenguni). ”

Hawa Maswahaabah sita walikuwa: Uthmaan, Ali, Zubair, Sa’d bin Abi Waqqaas, Talhah bin Ubaidullah na Abdur Rahmaan bin Auf (Radhiyallahu ‘Anhum).

Umar (Radhiyallahu ‘Anhu) kisha akasema, “Ikiwa mmoja kati ya hawa wawili wangelikuwa hai leo na nilikuwa nimemchagua yoyote kama Khalifah baada yangu, basi ningekuwa na ujasiri kamili (kwake kuwa anastahili Khilaafah). Watu hawa wawili ni Saalim (Radhiyallahu ‘Anhu), mtumwa aliyeachiliwa wa Abu Huzaifah (Radhiyallahu’ Anhu), na Abu Ubaidah bin Jarraah (Radhiyallahu ‘Anhu). ”

Hawa wote wawili walifariki wakati wa Khilaafah ya Umar (Radhiyallahu ‘Anhu). (Musnad Ahmad #129)