Mshale Wa Kwanza Kurushwa kwa Ajili Ya Uislamu

Sa’d (radhiya allaahu ‘anhu) alikuwa miongoni la kundi la Maswahabah ambao Mtume (sallallahu ‘alaihi wasallam) aliwatuma katika mwaka wa kwanza baada ya Hijrah kuuzuia msafara wa Maquraishi. Rasulullah (sallallahu ‘alaihi wasallam) alimteua Ubaidah bin Haarith (radhiya allaahu ‘anhu) kuwa Amir (kiongozi) wa kundi hili. Katika msafara huu, Maswahabah (radhiyallahu ‘anhum) walisafiri kwenda Rabigh ambako walikutana na msafara wa maquraishi. Hakukuwa na mapigano yaliyotokea wakati wa msafara huu; Lakini, mishale yalirushwa kutoka pande zote mbili. Mtu wa kwanza kurusha mshale kutoka upande wa Waislamu alikuwa Sa’d (radhiya allaahu ‘anhu) na huu ulikuwa mshale wa kwanza kurushwa katika Uislamu katika njia ya Allah Ta‘ala.

Ilikuwa ni kuhusu msafara huu ambapo Sa’d (radhiya allaahu ‘anhu) alisema mashairi yafuatayo:

ألا هل أتى رسول الله أني    حميت صحابتي بصدور نبلي

أذود بها عدوهم ذيادا    بكل حزونة وبكل سهل

فما يعتد رام من معد    بسهم في سبيل الله قبلي

Je, Rasulullah (sallallahu ‘alaihi wasallam) alifahamishwa jinsi nilivyowalinda maswahaba wangu kwa kurusha mishale yangu?

Niliwaepusha kabisa maadui zao kwa mishale yangu (kuwafukuza) kutoka katika kila ardhi ngumu na laini.

Kwa hivyo, kutoka katika kizazi cha Ma’ad, hakuna mtu ambaye alirusha mshale mbele yangu katika njia ya Allah Ta’ala. (Isaaba 3/64)