Dua ya Bilaal (Radhiyallahu ‘Anhu) kwa MaQuraish Wapate Mwongozo

‘Urwah bin Zubair (Rahimahullah) anasimulia kwamba mwanamke wa ukoo wa Banu Najjaar (yaani. Nawwaar bint Maalik, mama wa Zaid bin Thaabit (Radhiyallahu’ Anhuma) alisema, “Nyumba yangu iliwekwa huko Mahali ya juu na ilikuwa moja ya nyumba za juu karibu na Msikit (yaani. Masjidun Nabawi).

“Bilaal (Radhiyallahu ‘Anhu) alikuwa akitoa Adhaan ya alfajr juu ya nyumba yangu ili sauti yake ifike mbali. Alikuwa akifika wakati wa daku na kukaa juu ya paa la nyumba yangu, na akiangalia juu angani (na kungojea wakati wa alfajr kuingia).

“Wakati akiona muda umeingia, angesimama na kunyoosha mikono yake. Akiomba dua ifuatayo: ‘Ewe Mwenyezi Mungu, nakusifu (kwa kuniruhusu kutoa Adhaan) na ninatafuta msaada wako (na kukuomba) kuwaongoza maQuraish (yaani Familia ya Rasulullah (Sallallahu ‘Alaihi Wasallam)) katika Uislamu ili waweze kuwa thaabit na kuisimamia Dini yako (ulimwenguni). Kisha anatoa adhaan. ‘”

Akasema zaidi, “Nachukua kiapo kwa Mwenyezi Mungu (subhaanahu wata’ala), sikumbuki (Bilaal Radhiyallahu ‘Anhu) akiacha dua hii hata usiku mmoja (yaani. dua yake kwa maQuraish kupata mwongozo).” (Sunan Abi Dawood #519)